Македонските државјани со биометрска возачка дозвола можат да патуваат во Албанија, Италија, Шпанија и Словенија, но ако сакаат да патуваат во други земји, мора да извадат меѓународна возачка дозвола, пренесува Вечер.
Меѓународната возачка дозвола чини 950 денари, а за нејзино вадење потребно е да имате две фотографии и документ за идентификација, лична карта или пасош. Таа оди во комплет со националната возачка дозвола и има важност од 3 години.
АМСМ инфоримира дека освен во централата во Скопје, меѓународна возачка дозвола може да се извади и на граничниот премин Богородица, каде се издаваат и сите други потребни документи за излез на возилото од државата, како одобрение за управување на туѓо моторно возило надвор од државата, зелен картон и патничко осигурување.
