Денеска во соопштенито од инфомративниот центар на АМСМ, нотирани се две забрани за движења на тешки товарни возила.
Поради појава на свлечиште на влезот во Кратово, на регионалниот пат Пробиштип-Кратово воведена е забрана за движење на автобуси и товарни моторни возила со тежина над 7,5 тони, како ина патниот правец Радовиш-Конче, каде пто сообраќајот ќе се одвива по една коловозна лента и со забрана за тешки товрани возила.
На патниот правец Кичево – Охрид во близина на Ботун поради изведување на градежни работи на пат, сообраќајот се одвива наизменично регулиран со семафори за што е поставена соодветна сообраќајна сигнализација.
На магистралниот пат А2 од влезот до излезот на Кичево се изведува надградба на асфалтна подлога за што е поставена соодветна сообраќајна сигнализација
На патниот правец А-1 Гевгелија – Скопје од надвозникот кај клучка Велес до наплатната станица „Отовица“ се изведуваат работи на мостовите за што е поставена соодветна вертикална сообраќајна и светлосна сигнализација, а сообраќајот се одвива по една сообраќајна лента само по мостовите.
На патниот правец Фурка – Дојран, Р-1105, се изведуваат градежно-асфалтерски работи. Поставена е соодветна патна сигнализација. На учесниците во сообраќајот им препорачуваме внимателно возење, како и почитување на поставената патна сигнализација.
Започната е изведба на градежни работи „Реконструкција и рехабилитација на патната секција Велес – Кадрифаково“ Фаза 2 од депонијата Велес до с.Лозово, стои во соопштението од информативниот центар на АМСМ.
Сообраќајот на сите државни патишта се одвива тековно по суви коловози.
Во клисурите и усеците можни се помали одрони, особено на патните правци: Кочани – Делчево, Виница – Берово, Маврово – Дебар – Струга, Гостивар – Стража, Д.Капија – Удово, Катланово-Велес и Куманово-К.Паланка, изветуваат од ЈП ,,Македонијапат,,.