Потпретседателот на италијанскиот калчо гигант Милан, Адријано Галијани откри дека контроверзниот напаѓач, Марио Балотели нема да биде продаден за време на летниот преоден рок.
Главниот оперативец на “росонерите” откри и дека клубот е во потрага по нов крилен напаѓач и дека во списокот со потенцијални засилувања може да се прочитаат и имињата на Алесио Черчи и на Џоел Кемпбел.
“Балотели во ниту еден момент не побарал да биде продаден за време на летниот преоден рок. Балотели сигурно ќе остане во редовите на Милан. 100% гаранција не постои во фудбалскиот свет, но можам да потврдам и тоа со 99.99% сигурност дека Марио нема да замине од “Сан Сиро” за време на летниот преоден рок. Черчи и Кемпбел? Како и уште неколку други фудбалери и овие двајца се во фокусот на нашето внимание. Милан е во потрага по крилен напаѓач, по фудбалер кој го задоволува вкусот на нашиот тренер, Филипо Пипо Инзаги”, изјави Галијани.