Во текот на изминатиов продолжен викенд Преспа ја посетиле околу 10 илјади туристи.
Плажите од Претор до Долно Дупени и од Отешево до Стење биле преполни.
Причини за одличната посетеност според тур-операторите се средените плажи, ниските цени, културното лето, но и вложувањата на новите концесионери во Претор и Kрани.
Сепак сметаат дека на Преспа ѝ недостигаат сместувачки капацитети иако нив, во мала мера, ги заменуваат објектите од алтернативниот туризам, кои секоја година привлекуваат повеќе гости, особено странски туристи.
