Извршниот одбор на Народната банка на Србија прелиминарно одобри основање на банка која ќе работи под името „Мирабанк“, акционерско друштво, Белград.
Основач на банката е дел од меѓународниот конгломерат познат како „Ројал група“, чие седиште е во Абу Даби во Обединетите Арапски Емирати, наведува НБС во соопштението.
Тоа е прва гринфилд инвестиција во српското банкарство уште од 2008 година.
„Ројал групата“ ја сочинуваат околу 80 мали, средни и големи компании, а вработува повеќе од 15.000 луѓе на меѓународно ниво.