Кошаркарите на САД со одлична игра во рамките на подготовките за Мундобаскетот во Шпанија.
Актуелниот светски шампион селекцијата на Соединетите Американски Држави постигна висока победа од 105:62 над Доминиканската република.
Американците беа доминантни во текот на целиот дуел, а најефикасни кошаркари беа Руди Геј и Де Мари Де Розан, кои постигнаа по 13 поени, додека Џејмс Харден и Кајри Ирвинг имаа по 11.
Овие две селекции ќе играат во истата група Б во Билбао на Светското првенство во Шпанија, кое ќе се одржи од 30.август до 14.септември оваа година.
Репрезентациите на САД важи за најголем конкурент за настап во финалето на Светското првенство.