Пред само два дена германскиот репрезентативец изјави дека е незадоволен со својот статус и минутажа во Арсенал, а веќе денеска медиумите му најдоа и нов клуб.
Имено, како што објави „Дејли Стар“ во јануарскиот преоден рок Лукас Подолски ќе го облече дресот на италијанскиот тим Интер. Тој е незадоволен од малата минутажа која ја добива и како што самиот изјави, доколку ништо не се промени, тогаш ќе замине од Арсенал.
Подолски се поврзуваше со Интер и во летниот преоден рок, но до трансфер не дојде. Како можна дестинација на Германецот се спомнува и турскиот Галатасарај.