Српската полиција го уапси бизнисменот Горан Перчевиќ, сопственик на компанијата „Интеркомерц“ и поранешен член на раководството на Социјалистичката партија на Србија (СПС).
Тој бил уапсен под сомневање за злоупотреби во износ од милиони евра.
Перчевиќ е уапсен во стан на свој пријател, кој исто така е приведен.
Српскиот министер за внатрешни работи Небојша Стефановиќ изјави дека апсењето на Перчевиќ е за злоупотреби во врска со обезбедување на кредити од Универзална банка за различни фирми.
Компанијата „Интеркомерц“ е еден од најголемите должници на Универзална банка, каде должи милијарда динари.
Перчевиќ беше основач и претседател на младинската организација на СПС, а подоцна стана и нејзин потпретседател. Во ноември 2000 година, тој ја напушти партијата.