Високиот претставник на меѓународната заедница во Босна и Херцеговина Валентин Инцко, го осуди синоќешниот напад врз полициска станица во Зворник, истакнувајќи дека нападот, по тој во Бугојно и врз американската амбасада во Сараево, е „последно предупредување“, пренесува МИА.
Инцко во изјава за Федералната телевизија истакна дека не очекува дестабилизација на ситуацијата во БиХ, туку уште подобра соработка на полициските сили на федерално ниво.
Според Инцко нападот во Зворник има лош одек низ светот, но дека граѓаните мораат да бидат единствени, јави ФЕНА.
Еден полицаец синоќа е убиен, а двајца се повредени откако еден маж упаднал во полициската станица во Зворник и пукал. Според локалните медиуми нападот бил извршен од припданик на вахабиското движење, кој вооружен со автоматска пушка пукал врз полицајците.