Додека лидерот на СДСМ Зоран Заев и неговите поддржувачи веќе четврти ден го реализираат нивното однапред смислено насилно сценарио чија цел е да ја дестабилизира државата, семејство на опозицискиот лидер засолнето на сигурно место, ужива по монденски места.
Имено, додека Заев создава тензија и агресија остварувајќи го своето сценарио за насилство на улиците и активисти на СДСМ се закануваат со крв, Заеви се на одмор во Швајцарија, на луксузното место Локарно, кое можат да си го дозволат само најбогатите луѓе и најпознатите светски ѕвезди кои заработуваат милиони.
Додека неговите најблиски уживаат, активисти на Заев се закануваат со крв и насилство и подготвуваат мрачен план за спас на опозицискиот лидер преку предизвикување на силен конфликт и судири меѓу граѓаните. Извори од партијата велат дека постои добро смислен план за дејствување, масовни немири, тепачки, закрвување.
Повикувајќи се на извори од СДСМ, медиумите денеска објавија дека секоја општинска организација добила наредба да подготви 30-50 радикални лица кои би имале задача да бидат лидери во предизивикувањето на насилства и нереди.
И додека најблиските на Заев уживаат во елитни ресторани по монденски места, информациите велат дека крвавиот план на Заев и СДСМ опфаќа и радикалните групи на денот на протестот за да одвојат од толпата и по однапред дадени задачи да продолжат на разни локации низ градот со насилство, кршење на излози, локали.
За разлика од обичните граѓани кои секојдневно се држени во заложништво и стравуваат од можна ескалација на состојбата во земјава, стравувајќи за својата и иднината на своите најблиски, најблиските на креаторот на сето ова насилно сценарио се на прошетка по монденски места и уживаат онаму каде што тоа може да си го дозволат само најбогатите луѓе.