Лео и Рут Зенгер од Илиноис нависина се најбогатите луѓе на светот – тие имаат 100 внуци.
Во брак се 59 години. Имаат 12 деца, најстариот син има 58 години а најмладиот 31.
Поголемиот дел од семејството живее во близина. Најстарата внука има 39 години, постара е од вујко и, и живее најдалеку од сите – на три часа оддалеченост со возење.
Секоја година сите членови на семејството се собираат за Велигден, Божиќ и за денот на благодарноста, но поради бројноста, ги изнајмуваат просториите на локалната црква за да се соберат сите заедно.
-Ги сакаме сите и многу ни се скапоцени. Добивме уште едно скапоцено мало топче, велат гордите баба и дедо.
– Кога ќе се собереме, тоа е навистина голем собир, вели Дона Лејн, една од ќерките на Рут и Лео, и неофицијален семеен историчар.
А ова е само дел од внуците и правнуците на Лео и Рут Зенгер.
79 годишниот Лео вели дека имало „мал натпревар“ која од двете негови бремени внуки ќе го роди стотото правнуче. И по неговото раѓање, ни оддалеку не изгледа дека бројот на внуци и правнуци долго време ќе се задржи на 100 – со оглед на тоа што поголем број од внуците штотуку стапиле во брак и ќе ги прошируваат семејствата.
– Очекувам уште правнуци и нема да ме изненадат, бидејќи имаме неколку млади семејства што неодамна се оформија и ќе се прошират, вели Лео.
Гордиот татко, дедо и прадедо вели дека со неговата сопруга Рут на секое правнуче му се радуваат како на првото.
– Тоа сигурно. Раѓањето е чудо и секогаш кога ќе се роди дете тоа е прекрасна работа, вели Лео.