Македонска берза АД Скопје ќе одбележи 20 години од Основачкото Собрание на акционери.
По тој повод Македонска Берза АД Скопје ќе одржи официјална презентација за 20-те најдобри студенти родени 1995 година од насоката финансиски менаџмент на Економскиот факултет при Универзитетот Св. Кирил и Методиј Скопје и ќе им подари соодветни едукациски материјали и алатки.
Во рамките на овој настан пригодно обраќање ќе имаат претставници на Берзата и Економскиот факултет Скопје, а главниот извршен директор Иван Штериев ќе даде изјава за досегашното работење на Берзата.
