Караванот „Купи куќа, купи стан” денеска ќе биде во Велес. Министерството за финансии ќе оддржи презентација на проектот во зградата на Општината во 17.00 часот, а на неа ќе може да присуствуваат сите заинтересирани за проектот.
На презентацијата ќе учествуваат и градежни фирми од Велес кои имаат понуда на станови, како и претставници од банките.
Караванот „Купи куќа, купи стан” има цел да го приближи проектот до сите заинтересирани граѓани низ Македонија.
Екипата составена од претставници од Министерството за финансии, банки и локални градежни компании, секоја наредна среда посетува различни градови.
