Македонскиот првак Вардар од денеска ги пушти во продажба билетите за следниот домашен натпревар во Лигата на шампионите, против европскиот првак Барселона, кој е закажан за 22 ноември во 17.45 часот.
Продажбата на билети ќе се одвива на билетарницата на СЦ “Јане Сандански”, од 10 до 18 часот, и онлајн, преку ticketplus.mk, а цената на истите ќе изнесува:
Стоење – 150 денари
Трибини 1, 2, 9 – 300 денари
Трибини А1/Б1 – 250 денари
Централни трибини – 400 денари
“Вардарци” се со максимален ефект на досегашните домашни натпревари во ЛШ, против Пик Сегед, Некар Левен и Кјелце, серија што ќе се обидат да ја продолжат и во пресметката со каталонскиот гигант.
Извор: Екипа.мк
