Дека извештајот на Светска Банка го унапредува имиџот на Македонија и е одлична препорака за потенцијалните инвеститори, смета и аналитичарот од Брисел, Рикард Јожиак. Според Јожиак, извештајот е доказ дека Македонија е реформски лидер во регионот.
Тоа е резултат на вложениот напор на македонските власти кои сакаат да го разработат бизнис секторот и да привлечат инвеститори. Тие се константно фокусирани на тоа изминативе 9 години, и затоа воопшто не изненадува резултатот. После се што се случува, на крајот најважно е колку нови работни места ќе се отворат за Македонците, колку пари ќе влезат во домашниот буџет, нагласува Јожиак.
Реформите се чувствуваат и во пракса
Нотираните реформи од извештајот „Дуинг бизнис“ се чувствуваат во практиката – оценува долгогодишниот банкар, Глигор Бишев.
Реформите се чувствуваат и во пракса
Конкуренцијата не се чувствува само во делот на производите и на услугите, туку и во сферата на институциите. За нас како банки е многу важно дали нотарите, извршителите, катастарот ефикасно функционираат, многу е важно како оди воспоставувањето и регистрирањето на нови компании. Ова не се чувствува само во извештајот на Светска банка, туку и во практиката. Со ова се намалуваат трошоците на банките, а ние нудиме трошоци со пониски каматни стапки, вели Бишев.
