Земјотрес со интензитет од 6,2 степени според Рихтеровата скала беше регистриран во североисточен Авганистан, во близина на границата со Пакистан и Таџикистан, соопшти американскиот Геофизички институт.
Засега нема информации за евентуални жртви или за причинета материјална штета.
Земјотресот е регистриран на околу 280 километри североисточно од Кабул. Епицентарот на земјотресот бил во планинска област 82 километри југоисточно од авганистанскиот град Фејзабад на длабочина од 203 километри.
Потресот е почувствуван во Кабул и во главниот пакистански град Исламабад.
