Полицијата го идентификувала мажот за кого постои сомнеж дека синоча во физичка пресметка го изгризал актерот Сергеј Трифуновиќ. Српската полиција сеуште не го соопштува неговото име, затоа што се работи на утврдување на околностите на настанот.
Трифунович по нападот бил преврзан на инфективната клиника, од каде бил пуштен по прегледот и укажаната помош.
Актерот бил најден во близина на ресторан за брза храна изгризан на дланките и со видлива повреда на главата.
Српски „Курир“ повикувајќи се на неофицијални информации пишува дека нападот се слуил изутринава околу 4.30 часот на аголот помеѓу улиците „Молерова“ и „Његошева“. Актерот бил затекнат на улица, изгризан и со видлива повреда на главата, а потоа бил префрлен во болница.
