Швајцарските гласачи синоќа на референдум ја отфрлија контроверзната иницијатива на десничарската националистичка партија, која предвидува автоматско протерување на странци, кои ќе бидат осудени за секое, па и најмало кривично дело, покажуваат официјалните резултати, пренесува МИА.
Иницијативата ја отфрлиле 59 отсто од гласачите, се наведува во сајтот на швајцарската Влада.
Одѕивот на избирачите изнесувал 69 проценти, што е најголема излезност на гласање од 1992 година.
Иницијативата предвидуваше автоматско протерување на странците поради тешките кривични дела како силување или убиство, но исто така и во случаи на помалку тешки прекршоци како пребрзо возење или вербална навреда на полицаец, доколку бидат извршени два пати во рок од десет години.
