Најдобриот македонски ракометен судиски пар и еден од најдобрите во Европа и светот, Ѓорги Начевски и Славе Николов ќе ја делат правдата на ракометниот турнир на Летните Олимписки игри во Рио.
Начевски и Николов години наназад се едни од најдобрите светски судии, па воопшто не е изненадување нивната номинацијата за најголемиот спортски настан од страна на Светската ракометна федерација.
Покрај нив двајца, Македонскиот национален тим е исто така пред историска шанса за пласман на Олимписките игри во Рио. Македонските ракометари од 8 до 10 април во Гданск ќе настапат на квалификациите за пласман на ОИ во Рио, каде во конкуренција на домаќинот Полска, Тунис и Чиле ќе се обидат да се изборат за историскиот настап на Олимпијадата.