Вмешани функционери од највисокото раководството на СДСМ, можна инволвираност дури и на лидерот на СДСМ Зоран Заев, фирми што работеле со општина Струмица и десетина други лица што се поврзуваат со опозицијата се само дел тоа од тоа во која насока се одвиваат последните проверки што ги прават во Јавното обвинителство за организиран криминал и корупција поврзани со последната акција за изборен криминал во Струмица, откриваат извори од обвинителството, објавува „Дневник“.
Од Јавното обвинителство за организиран криминал и корупција информираат дека минатата недела е спроведена акција во општина Струмица при што биле одземени два компјутера и сослушани 10-ина лица за кривични дела во врска со изборите и гласањето на изборите во април 2014 година.
Според изворите, засега истрагата води кон најмалку две кривични дела: Едното е злосторничко здружување, а второто е изборен поткуп и тоа за време на претседателските и парламентарните избори во 2014 година. Постојат сомневања дека речиси целиот врв од СДСМ знаел или бил вклучен во изборниот криминал во Струмица. Kако што и претходно објавивме, а сега и се потврдува од истрагата во обвинителството, повеќе од 10 лица учествувале во целата акција, а меѓу нив и функционерите од раководството на СДСМ. Нема директна потврда дали меѓу осомничените е и Заев, но изворите коментираат дека дел од истрагата води кон фирмите на Заеви и кон неговиот кабинет како градоначалник на овој град, пишува весникот.
Според досегашните…