Во Пиреја има најмалку 3.280 бегалци и мигранти, а приливот од островите не запира

Athens, Greece, 8 March 2016. Thousands of Syrian and Iraqi refugees have been stranded at the port of Piraeus in Athens for several days due to the overcrowded centres in northern Greece. The Hellenic Red Cross provides daily humanitarian aid to those waiting, including food, water, hygiene kits and baby items. Staff and volunteers also man a mobile medical clinic, provide activities for children in the harbour and help people in tracing their lost family members. Caroline Haga/IFRC

Во просториите на пристаништето во Пиреја во моментов има најмалку 3.280 бегалци, соопшти Капетанијата на пристаништето.

Како што јави дописникот на МИА од Атина, утрово пристигна уште еден ферибот со 455 бегалци и мигранти од Хиос и Митилена, а подоцна се очекува да пристигне и ферибот со 307 бегалци и мигранти од Родос, Кос и Лерос.

Во попладневните часови во Пиреја ќе се вкотви и фериботот „Нисос Миконос“ со уште засега непознат број бегалци и мигранти од Кавала, Хиос, Митилена и Самос.

Во Пиреја има голем број волонтери и членови на невладини организации кои им помагаат на новодојдените луѓе да се сместат и дистрибуираат храна меѓу бегалците и мигрантите сместени во четири патнички станици на пристаништето.