Во просториите на ЕУ-инфо центарот во Скопје денеска е отворена книга на жалост за загинатите во терористичките напади во Брисел.
Според официјална информација од белгиските власти, во двата терористички напади што завчера се случија на бриселскиот аеродром „Завентем“ и на метро-станицата Малбек, загинале вкупно 31 лице, а 300 се ранети, од кои 150 се уште се во болница.
Белгија прогласи тридневна жалост за жртвите во нападите.
Одговорноста за нападите во Брисел ја презеде Исламска држава.