Грчкиот Парламент денеска усвои закон неопходен за примена на Договорот меѓу ЕУ и Турција за враќање на бегалци и мигранти во Турција од грчки острови, што стапува на сила в понеделник.
Законот го поддржаа 169 од 300 пратеници, пренесува МИА.
Депортацијата ќе почне од островот Лезбос, а први ќе бидат вратени во Турција мигранти од Авганистан, Пакистан и други држави, чии барања за азил се сметаат за неприфатливи.
За да се примени договорот од 20 март меѓу Брисел и Анкара, потребно е Грција и Турција да изменат свои закони.