Владимир Марјановиќ, свекорот на убиената пејачка Јелена вели дека неговиот син Зоран бил претставен како монструм во медиумите и дека семејството поради тоа е присилено да си замине од семејната куќа, пишува српски „Курир“.
Вие сте ни како сол на рана. Упорно докажувате дека тој е убиецот, вели Владимир за Курир.
Тој додава дека си заминале од куќата на некое време затоа што поради текстовите во весниците се чувствуваат како да се изложени на линч.
Неможеме да отидеме ниту до продавница. Сите не гледаат попреку, вели тој.
Но, Зоран Марјановиќ вели дека не си заминал од семејната куќа.
Ете сум дома. Си играм со Јана. Неможам веќе да читам глупости за себе си и за моето семејство. Ова отиде предалеку. Само чекам полицијата да ми јави кој е убиецот. Само тоа ме интересира во овој момент. Мене навистина не ми е до игри и шпекулации, затоа што ова се сериозни работи, вели тој.
