Три лица загинаа и 45 се ранети од кои 12 полицајци во денешниот напад со автомобил бомба врз полициско возило во центарот на Дијарбекир, соопштија официјални лица.
Во нападот загинале еден полицаец и двајца цивили. Меѓу ранетите има девет полицајци. Неколкумина ранети се во критична состојба.
Нападот бил извршен врз оклопно полициско возило.
Засега нема информации дали е преземена одговорност за нападот. Во изминатите месеци во југоисточна Турција се водат вооружени судири меѓу турските сили за безбедност и припадници на ПКК.