Ограбен познат скопски маркет. Вооружени напаѓачи вчера ја испразниле касата во продавница „Стокомак“ лоцирана во Трговскиот Центар Буњаковец и избегале во непознат правец.
Како што информира МВР, случајот вчера во 21.40 часот во ЕИК-Скопје, бил пријавен од страна на З.Т. вработен во продавницата. Според неговиот исказ две маскирани лица со огнено оружје влегле во продавницата, го одзеле прометот, по што избегале во непознат правец. Се преземаат мерки за пронаоѓање на сторителите.