Полицијата во Грција разби организирана група шверцери на дрога, воглавно составена од Албанци.
Како што објавија медиумите во Тирана, полицијата уапсила десет лица, од кои шест Албанци и четворица Грци, кај кои открила и запленила 168 килограми марихуана.
Групата, која шверцувала дрога од Албанија во Грција, била следена и прислушувана подолг период,
Во акцијата била вклучена и американската агенција за борба против шверц на наркотици ДЕА, која учествувала во идентификација на лицата вмешани во трговија со дрога.
Освен дрогата, полицијата запленила и 62 илјади евра, долари, како и муниција и оружје.