Процесот за соработка во ЈИЕ за овие 20 години е најдобриот формат преку кој го подобруваме имиџот на нашиот регион. Ова го потенцира министерот за надворешни работи Никола Попоски во изјава за ТВ Нова.
Според Попоски, присуството на земји-членки на НАТО и на Европската унија може да ни ги зголеми шансите за преговори за влез во ЕУ.
Од наш македонски аспект, многу е значајно што тука се и земји како Грција и Бугарија кои во минатото не секогаш се поврзувале со поддршка за Македонија во овие процеси и мислам дека што повеќе успееме да ги намалиме тие билатерални тензии, тоа подобри ни се изгледите во некое догледно време да добиеме поддршка и за водење на пристапни преговори за членство во Европската Унија, изјави Попоски.
