Археолозите најдоа споменик закопан под песочните дини во античкиот град Петра во Јордан, благодарение на сателитските снимки за скенирање на градот, јавува британски „Гардијан“.
Сателитските снимки откриваат масовна платформа, со внатрешна платформа со исклесан камен, и со столбови на едната страна и огромни скали што се спуштаат кон исток. Помала структура е сместена во внатрешната платформа и се отворала кон скалите. Грнчаријата најдена во близина на објектот покажува дека структурата би можела да биде над 2.150 години стара.
-Оваа монументална платформа нема никаква поврзаност со Петра и нејзините градби во моментов, велат археолозите, кои потенцираат дека структурата е во близина на центарот на градот, но сепак е „скриен“ и тешко достапен.