По синоќешната светска премиера на претставата „Јулие Цезар“ што ја изведоа актерите на американската театарска компанија „Лит Мун“ од Санта Барбара-Калифорнија, најновото издание на „Битола Шекспир фестивал“ продолжува со настап на Куклен театар од Бјалисток, Полска.
Според програмата, вечер ќе биде изведена претставата „Монтеки и Капулети“ инспирирана од делото „Ромео и Јулија“, а во режија на Руслан Кудашов.
– Очекувам публиката да ужива во нашата претстава бидејќи во претставата се користат многу малку зборови, имиња и знаци, но затоа пак се повеќе се отстапува простор на гестикулациите, емоциите, чувствата кои всушност се главните ликови во претставата. Љубов, омраза, носталгија – тоа се чувствата кои ги поседуваат и со кои се борат главните ликови, исто како и ние, истакна режисерот Кудашов во пресрет на вечерашното гостување на театарската сцена во Битола.
„Битола Шекспир фестивал“ се одржува четири година, а годинава е посветен на 400-годишнината од смртта на Вилијам Шекспир.