-Ова е кукавички чин. Некој дошол и го сквернавел споменот на 28 полицајци, вели шефот на полицијата Алфред Данам.
Бронзениот споменик висок 2,4 метри неодамна беше преместен во Бирд парк, каде што се правеше и реконструкција. Споменикот претставува полицаец од Ричмонд, кој во рацете држи дете со мече-играчка. Покрај статуата, се наоѓа и спомен плоча со имињата на 28 полицајци од Ричмонд кои загинале на должност од 1863 до 2003 година.
-Добивме анонимен повик, закана, во саботата. А потоа се случува ваков вандализам. Многу прашања ни поминуваат низ глава, вели Данам. Споменикот беше исчистен и наскоро се очекува целосно да биде реновиран.
Сквернавењето и вандализирањето на спомен- обележја беше во фокусот на насилните протести на опозицијата предводена од СДСМ во изминатиот период.
Во хулиганството, нападот на полицијата, кршењето на прозорците и уништувањето на спомениците и разните државни и приватни објекти, крадење, палење и уништување на инвентарот во Народната канцеларија на Претседателот на Република Македонија, сквернавењето на Порта Македонија, фрлањето боја и прашок за перење во фонтаната на Александар Македонски, „бомбардирање“ со боја на зградите на Министерството за култура, Владата на Република Македонија, Агенцијата за медиуми и др, на протестите организирани од невладините на Сорос и СДСМ, учествуваа високи фукционери и членови на СДСМ.
Меѓу другото, вандалите удрија и по релјефите на кои има мотиви од ајдутството и комитството. Уништени беа релјефите на Сирма Војвода, Дедо Иљо Малешевски и Димитар Поп-Георгиев Беровски со четите, заклетвата на ВМРО, Питу Гули со четата, Васил Чакаларов, Пандо Кљашев со соборците, Партенија Зографски и Григор Прличев.
Особено на удар беше Порта Македонија, која не е било какво спомен обележје, туку сублимат на македонската историја на едно место: антички обележја на македонската култура, македонски дејци и борци, егзодусот на Егејците, заседанието на АСНОМ, 8-ми септември.
