Во американскиот град Кливленд почна конгресот на Републиканската партија на САД на кој Доналд Трамп ќе биде официјално објавен за кандидат на партијата за претседателските избори на 8 ноември.
На првичните избори Трамп победи 16 кандидати и обезбеди неопходен број делегати на конгресот. За денеска е предвидено прифаќање на партиската програма за претседателските избори.
Се очекува утре Трамп да биде прогласен официјално за кандидат на републиканците.
Неговиот избор за потпретседател – Мајк Пенс, се очекува исто така утре да биде одобрен.