Вкупно 85 турски генерали и адмирали се притворени и ги очекува судски процес под обвинение за учество во неуспешниот обид за државен удар во Турција, јави денеска агенцијата Анадолија.
Десетици други се’ уште се на распит.
Официјално, меѓу уапсените се и поранешниот командант на Военото воздухопловство, генерал Акин Јозтурк, за кого се тврди дека е „водач на бунтот“, како и генералот Адем Худуди, командант на Втората турска армија, која е одговорна за заштита од можни закани од Сирија, Ирак и Иран.
