Маж го загуби животот во тешка железничка несреќа која се случила вчера вечерта.
Во несреќата се судриле воз кој сообраќал на релација Кичево-Скопје и „Фолксваген пасат“ со скопски регистарски ознаки, управуван од О.Б.
Незгодата се случила по тргнување на возот од стојалиште Орешје кон железничка станица Радуша на првиот патен премин од левата страна. Од ударот возачот на автомобилот се здобил со тешки повреди по што починал на местото на настанот, информираат од полицијата.
Увид на местото на настанот извршила увидна екипа на СВР Скопје.
