Германската полиција соопшти дека спречила киднапирање на новородено бебе во Хамбург, благодарение на брзата реакција на нејзиниот деветгодишен брат.
Во соопштението на полицијата се наведува дека 34-годишна Германка од болничка соба го украла бебето старо еден ден, додека мајката спиела.
Но, братчето на бебето ја забележало кражбата и се упатило по неименуваната жена. Кога ја стигнало, детето и се обратило на жената, по што таа му го вратила девојчето, се наведува во полициското соопштение.
Полицискиот потпарол Улф Вундрак изјави дека момчето „многу помогнало“ во враќањето на киднапираното бебе.