Автомобил „шкода фабија“ со скопски регистарски ознаки во раните утрински часови излетал од улицата „Димитрије Чупоски“ и се забил во едно од градежните скелиња, поставени во непосредна близина на автобуската постојка кај „Жито леб“, објави „Нова Македонија“.
Според неофицијални податоци, возачот изгубил контрола движејќи се по улицата. Тој бил пренесен во болница со полесни повреди. За среќа, нема повредени меѓу граѓаните што чекале на автобуската станица.