ФК Вардар – повеќе од шампион

Да се биде фудбалски шампион не е само да се освои трофеј. Шампионот посветува внимание на организација, едукација, води сметка за целиот свој тим, зад него стојат луѓе кои силно веруваат во успехот на клубот.

Да се биде шампион значи иновативност, креативност и крајна посветеност. Особено ова се однесува на подмладокот и новите генерации. Во текот на уписниот рок за нови членови и идни Вардарови фудбалери, Академијата на ФК Вардар комплетно се отвори кон својата публика.

Целта е секој фан, посетител на натпревар, родител или дете кое искрено посакува да заигра во дресот на Вардар да се запознае со просторот и да истрча на терен. Да се запознае со тренерите и да го дознае процесот на обука.

Тоа се случи вчера на ОТВОРЕНИОТ ДЕН во Фудбалската Академија на Вардар. Прекрасен ден, просторот исполнет со посетители, а нашите сегашни млади Вардарци беа горди што можат секому да покажат што значи да бидеш подмладок на Вардар.

Ви пренесуваме дел од атмосферата.

1fk vardar2fk vardar4fkvardar