Министерството за внатрешни работи продолжи со спроведување на акцијата „Ќелија“ која се однесува на лица осомничени за учество во странски војски и паравоени формации.
Според првичните информации, изминатиов период уапсени се 5 македонски државјани во Турција и истите и се испорачани на Македонија.
Осомничените, на кои неофицијално им е одреден притвор, се од Скопје и Куманово.
Детали за продолжувањето на акцијата и дејствието на осомничените ќе бидат соопштени денес на прес-конференцијата закажана во МВР во 12 часот.
