Кривична пријава е поднесена против шеснаесетгодишник од село Стење, ресенско, поради постоење основи на сомнение за сторено кривично дело „кражба“.
Пријавениот, како што информира МВР, на 23.08.2016 година од ранец на туристи од Р.Турција одзел 1.000 евра.
Имено, четворицата туристи дошле во ресторанот сопственост на неговите родители и по кратко време заминале при што заборавиле ранец во кој биле парите. Тоа го забележал пријавениот и од ранецот ги одзел парите. Откако го извршил делото ранецот го вратил на местото. После еден час гостите се вратиле да го земат ранецот и забележале дека им ги нема парите.
