Претседателот на Европскиот совет Доналд Туск изјави денеска дека нема да има никакви преговори со Велика Британија за условите за напуштање на блокот се додека Лондон формално не покрене процедура за излегување.
– Мора да ги заштитиме интересите на членките на ЕУ кои сакаат да останат заедно, а не на оние кои сакаат да ја напуштат Унијата, изјави Туск.
Во говор на самитот на Г-20 Туск рече дека „пред-преговорите“ не се во интерес на останатите 27 држави членки. Британската премиерка Тереза Меј денеска нагласи дека „нема да има друг референдум – Британија ја напушта ЕУ“.