Нелегалната трговија со бегалци кон Европската унија на нелегалните трговци минатата година им донела заработувачка од околу четири милијарди долари, изјави Бернд Кернер, од раководството на европската погранична агенција, Фронтекс.
Заработувачката од трговијата значително се зголемила во 2015 година, претворајќи се во една од најпрофитните форми на криминален бизнис.
По балканската маршрута во ЕУ лани пристигнале 800 илјади бегалци, најголемиот дел од блискоисточните земји.
Во меѓувреме Фронтекс констатира значително подобрување на ситуацијата оваа година, преку зајакнување на надворешните граници на ЕУ, како и со подложување на мигрантите на детални проверки.
