-Во однос на критиките ми пречи што опозицијата прави и дава еден пример кој е многу банален и вулгарен. Од политичарите не ме чуди, но кога театарски луѓе ќе кажат дека „бронза не може да се мачка на леб”, цитирајќи го нивниот бивш лидер, тоа е вулгарно. Тоа е како дилемата што е поважно, Шекспир или колбас? Македонскиот народ низ вековите опстојувал со фолклор, со култура, со црква, обичаи. Културата е најблескавиот златен штит што ја чува нашата нација. Светот е културен, не е материјален“, смета Димитров.
Оваа недела во „ОКО“ со Горан Петрески се зборуваше за театарската уметност и политиката. Гости во емисијата беа директорот на театарот за деца и младинци Братислав Димитров, Сања Арсовска од драмскиот театар, Крсте Јовановски од театарот Комедија, како и Мартин Бабиќ, пензиониран актер.