Затворени нови 15 медиуми во Турција и отстранети од работа околу 10.000 луѓе

Турските власти затворија 15 медиуми меѓу кои и курдски новински агенции и отпуштија од работа околу 10.000 државни службеници и луѓе од силите за безбедност со два нови указа издадени вчера, јави Анадолија.

Указите се однесуваат и за голем број прашања меѓу кои ограничено право на адвокати да разговараат насамо со клиенти и промени во правилата за назначување ректори на универзитети, на начин по кој Владата ќе има поголема контрола врз процедурата.