Заменик претседателот на Владата и министер за надворешни работи на Република Македонија, Никола Попоски, денес оствари средба со Тана де Зулуета, Шефот на Набљудувачката Мисија на ОБСЕ/ОДИХР за предвремените парламентарни избори во Република Македонија кои ќе се оддржат на 11 декември 2016 година.
Министерот Попоски изрази задоволство од досегашната соработка со ОБСЕ/ОДИХР и позитивните искуства од мониторингот на бројни изборни циклуси во минатото.
На средбата беше истакната важноста од спроведување фер и демократски избори и беа споделени очекувањата за добар изборен процес.
Исто така, беше подвлечена корисноста од набљудувањето на изборите од страна на ОДИХР, ПС на ОБСЕ и останатите релевантни меѓународни организации.
