Кремљ ги отфрли денеска обвинувањата од Пентагон дека Русија распоредила крстосувачки ракети насочени кон Западна Европа што значи и непочитување на Договор од 1987 година за уништување на ракети со среден дострел.
– Ги отфрламе тие обинувања…Русија секогаш била и останува посветена за сите меѓународни обврски како и на оние поврзани со Договорот за уништување ракети со среден дострел, изјави портпаролот на Кремљ, Дмитриј Песков.
Американскиот генерал Пол Селва, заменик шеф на Заедничката команда на вооружените сили на САД, изјави пред комисија на Претставничкиот дом дека Русија распоредила ракети што се „ризик за повеќето наши инсталации во Европа“.
Песков додаде дека Русија ќе работи со кој и да е американски амбасадор во Москва кој е приврзаник на идејата за обнова на дијалогот меѓу двете држави.