Според информации од Управата за хидрометеоролошки работи, денеска и утре се очекуваат температури повисоки од вообичаените за овој период од годината на подрачјето на целата држава (освен во преспанско-охридскиот и осоговско-малешевскиот регион каде температурите се вообичаени за овој период).
-Се препорачува граѓаните да бидат внимателни, имајќи предвид дека изложеноста на повисоки температури, без претходна постепена адаптација, создава чувство на поинтензивна топлина слична на онаа во летните месеци и може да предизвика здравствени проблеми кај некои лица. Воедно, се препорачува хронично болните лица редовно да ја земаат пропишаната терапија, се вели во соопштението од Министерството во здравство.