„Нетпрес“ дознава дека Садула Дураку има две кривични пријави, од 08. 06. 2010 г. поднесена од Одделот за организиран криминал за кривично дело од член 353 став 2 од КЗ на РМ (“Злоупотреба на службената положба и овластување” – со поголема имотна штета); и од 12. 02. 2015 г. поднесена од СВР Куманово за кривично дело од член 353 став 1 од КЗ на РМ (“Злоупотреба на службената положба и овластување“).
Во досието на Хазби Љика стои малолетнички затвор од 1 година и шест месеци затвор од 21. 02. 1990 година за кривично дело по член 114 од КЗ на СФРЈ (“Контрареволуционерно загрозување на општественото уредување”). Казната е изречена од Сојузен суд. Со одлука на Претседателството на СФРЈ од 18. 04. 1990 година истиот е помилуван за ова дело и пуштен од КПД Идризово на 22. 04. 1990 година Исто така, тој има и условна осуда на Основен суд Тетово од 24. 09. 2012 година од 03 месеци затвор со време на условување од една година за кривично дело од член 353 став 2 од КЗ на РМ (“Злоупотреба на службената положба и овластување” – со поголема имотна штета).
Рамис Мерко, предложен од Заев за министер без ресор, минува во казнена евиденција со условна осуда на Основен суд Струга од 25. 02. 1998 година од 3 месеци затвор со време на условување од една година за кривично дело од член 378 став 1 од КЗ на РМ (“Фалсификување исправа”). Како и условна осуда на Основен суд Струга од 28. 1. 2008 година од 03 месеци затвор со време на условување од една година за кривично дело од член 377 став 3 од КЗ на РМ (“Неизвршување на судска одлука” – став 3 се однесува на неизвршување на Одлука на Уставниот суд на Република Македонија). Истиот минува и со десет кривични пријави поднесени од ПС од ОН Струга :
- Кривична пријава до ОЈО Струга од 17. 08. 2007 г. за кривично дело по член 353 став 1 од КЗ на РМ (“Злоупотреба на службена положба и овластување”);
- Кривична пријава до ОЈО Струга од 16. 10. 2007 г. за кривично дело по член 353 став 3 од КЗ на РМ (“Злоупотреба на службена положба и овластување”);
- Кривична пријава до ОЈО Струга од 15. 11. 2007 г. за кривично дело по член 353 став 3 од КЗ на РМ (“Злоупотреба на службена положба и овластување”);
- Кривична пријава до ОЈО Струга од 08. 01. 2008 г. за кривично дело по член 353 став 3 од КЗ на РМ (“Злоупотреба на службена положба и овластување”);
- Кривична пријава до ОЈО Струга од 10. 03. 2008 г. за кривично дело по член 353 став 1 од КЗ на РМ (“Злоупотреба на службена положба и овластување”);
- Кривична пријава до ОЈО Струга од 16. 03. 2012 г. за кривично дело по член 225 став 1 од КЗ на РМ (“Узурпација на недвижности”);
- Кривична пријава до ОЈО Струга од 13. 11. 2015 г. за кривично дело по член 353 став 1 од КЗ на РМ (“Злоупотреба на службена положба и овластување”);
- Кривична пријава до ОЈО Струга од 13. 11. 2015 г. за кривично дело по член 353 став 2 од КЗ на РМ (“Злоупотреба на службена положба и овластување”);
- Кривична пријава до ОЈО Струга од 01. 12. 2015 г. за кривично дело по член 353 став 2 од КЗ на РМ (“Злоупотреба на службена положба и овластување”); и
- Кривична пријава до ОЈО Струга од 04. 12. 2015 г. за кривично дело по член 353 став 1 од КЗ на РМ (“Злоупотреба на службена положба и овластување”). Пет од овие десет кривични пријави се ОТФРЛЕНИ бидејќи е констатирано дека се работи за кривични дела коишто не се гонат по службена должност.
Самка Ибраимоски, предложениот за министер без ресор, го има во казнената евиденција со :
- Условна осуда од Основен суд Тетово од 1999 година од 06 месеци со време на условување од една година за кривично дело од член 111 од Законот за девизно работење (Наплата или исплата во девизи или злато спротивно на одредбите на овој Закон за потребите на претпријатие или друго правно лице). Оваа казна му е избришана со Решение на Основен суд Тетово од 16. 12. 2008 година;
- Парична казна од Основен суд Тетово од 24. 09. 2007 г. од 20.000 денари за кривично дело по член 280 став 2 од КЗ на РМ (“Фалсификување или уништување деловни книги”);
- Условна осуда од Основен суд Тетово од 25. 11. 2008 година од 06 месеци со време на условување од една година за кривично дело од член 257 став 2 од КЗ на РМ (“Оштетување или повластување на доверители”);
- Парична казна од Основен суд Тетово од 05. 05. 2010 г. од 183.600 денари за кривично дело по член 244 став 2 од КЗ на РМ (“Оштетување туѓи права”);
- Парична казна од Основен суд Тетово од 15. 03. 2012 г. од 18.300 денари за кривично дело по член 149 став 1 од КЗ на РМ (“Злоупотреба на лични податоци”); и
- Условна осуда од Основен суд Тетово од 29. 04. 2013 година од 04 месеци со време на условување од две години за кривично дело од член 257 став 2 од КЗ на РМ (“Оштетување или повластување на доверители”).
Против него се поднесени и две кривични пријави за коишто нема податок дали завршиле со пресуда, и тоа:
- До ОЈО Тетово на 24. 02. 1999 година е поднесена Кривична пријава по член 247 од КЗ на РМ (“Измама”); и
- До ОЈО Тетово на 07. 12. 2005 година е поднесена Кривична пријава по член 247 став 4 од КЗ на РМ (“Измама” – од значителна вредност).
За него се водела и кривична постапка за кривично дело по член 366 став 1 од КЗ на РМ (“Лажно пријавување на кривично дело”), којашто од страна на Основниот суд во Тетово е ЗАПРЕНА на 08. 07. 2013-та година.
Исто така, предложениот за министер без ресор, Аднан Ќахил добил кривична пријава на 25 декември 1995 година за сторен царински прекршок.
Идниот министер за транспорт и врски Горан Сугарески има кривична пријава за кривични дело загрозување на безбедноста во сообраќајот, и за кривично дело неукажување помош на лице повредено во сообраќајна несреќа од 19 февруари 1997 година.
Првиот полицаец осоминчен за изборни измами
Потпретседателот на социјалдемократите, човекот кој треба да се грижи за безбедноста на граѓаните но и за реуларно одвивање на изборните процеси, Оливер Спасовски, заедно со Вице Заев, се осомничени за изборни измами. Станува збор за сомненија за нелегално финансирање на кампањата и корупција при изборниот процес, односно купување на гласови или правно влијание врз волјата на гласачите. Првичните сознанија на истражните органи се дека во прашање се илјадници гласови, а што се однесува, пак, до сумите кои фигурираат засега информации велат дека стануба збор за стотици илјади евра. Освен парите, се проверува и поврзаноста и нудењето на разни други услуги во замена за гласови, како условување со вработувања, тендери преку кои потоа се финасирала кампањата и разни активности преку т.н. невладин сектор. Неофицијално, изворите од истрагата за „Нетпрес“ велат дека Вице Заев наводно бил фатен како дели пари на ромското население во Турското маало во Струмица, и дека за тоа имало и докази.
За случајот од 2014 година, медиумите објавија дека Обвинителството одзело компјутери од општината Струмица, за кои се претпоставува дека содржат податоци корисни за истрагата.
Новата влада на мандатарот Зоран Заев ќе ја сочинуваат:
Кочо Анѓушев, вицепремиер за економски прашања (бизнисмен)
Хазби Лика, вицепремиер за спроведување на рамковен договор (ДУИ)
Бујар Османи, вицепремиер за евроинтеграции (ДУИ)
Радмила Шеќеринска, министер за одбрана (СДСМ)
Оливер Спасовски, министер за внатрешни работи (СДСМ)
Драган Тевдовски, министер за финансии (СДСМ)
Никола Димитров, министер за надворешни работи (независен)
Рената Десковска, министер за образование и наука (СДСМ)
Горан Сугарески, министер за транспорт и врски (СДСМ)
Љупчо Николовски, министер за земјоделство, шумарство и водостопанство (СДСМ)
Дамјан Манчевски, министер за информатичко општество и администрација (СДСМ)
Мила Царовска, министер за труд и социјална политика (СДСМ)
Роберт Алаѓозовски, министер за култура (СДСМ)
Крешник Бектеши, министер за економија (ДУИ)
Булент Салиху, министер за правда (ДУИ)
Садула Дураку, министер за екологија (ДУИ)
Арбен Таравари, министер за здравство (ДР-ДПА)
Сухејл Фазлиу, министер за локална самоуправа (НДП)
Министри без ресор:
Рамиз Мерко (ДУИ)
Едмонд Адеми (СДСМ)
Роберт Поповски (СДСМ)
Зоран Шапуриќ (ЛДП)
Зорица Апостоловска (НСДП)
Аднан Ќахил (ТХП)
Самка Ибраимовски (ПЦЕР)