Дваесет и две лица се повредени ноќта кон неделата кога се урнал подот во дискотека на Тенерифе, на Канарските острови, а посетителите пропаднале во подрумот, известија локалните власти.
Спасувачите пристигнале во Адеха, на југозападниот дел од шпанскиот остров, по пријавата дека се урнале четири квадратни метри од подот. Пожарникарите веднаш ја евакуирале дискотеката и 22-та повредени, од кои двајца тешко и ги пренесле во болница.
Меѓу повредените се двајца Французи, Белгиец и Романец, а повеќето се здобиле со скршеници, модринки и шинати екстремитети.