Советот за утврдување факти од Судскиот совет бара да покрене постапка за разрешување на петчлениот Кривичен совет на Врховниот суд, на чело со претседателот Јово Вангеловски.
Овој совет одлучуваше за притворот на бизнисменот Сеад Кочан, обвинет во случајот „Труст” на Специјалното јавно обвинителство.
Советот за утврдување факти бара и разрешување поради нестручно и несовесно постапувањ на судии од Апелацискиот суд во Скопје и на Врховниот суд, кои одлучуваа за притворите и на двајцата обвинети Горан Грујевски и Никола Бошкоски, кои во моментов се во екстрадициски притвор во Грција. Грујевски и Бошкоски се обвинети во случајот „Тврдина“ и Таргет“.