Сообраќајот на државните патишта во неделата во раните претпладневни часови се одвива по суви, а на повисоките и осојничави места по влажни коловози.
На патниот правец Крива Паланка – граничен премин Деве Баир има врнежи од снег, соопшти Автомотосојузот на Македонија.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од државата. Оваа информација се однесува само за македонската страна на премините.
